Ялысе школлан у скважиным чоҥат

            Ялысе школлан у скважиным чоҥат. Килемар районысо школышто вӱд лийже манын скважиным буритлаш кум миллион наре теҥге кайышаш. Тыгай вашталтыш Кого Памйалыште лийшаш. Заказчик семын Килемар районын администрацийже лектын. Вӱд пучын кужытшым подрядчик проектым ыштымыже годым рашемдышаш. Тидыжат оҥай: тӱҥ условий семын йырым- йырысе кумдыкым арален кодымо мероприятийым шуктымаш лийын. Проект документацийым 30-шо июньлан мучашлышаш улыт, а чоҥымо да монтаж пашам 30-шо сентябрьлан шуктыман. Кого Памйалыште школым чоҥымо нерген кодшо ийын ноябрьыште увертарыме ыле. Туныктымо тӧнеж концессий соглашений почеш чоҥалтеш. Але вес семынже кугыжаныш объектын озаже семын эрелан але ик жаплан амалкалче лиеш.