У Торъял район кок ий гыч 100 ияш лиеш

             У Торъял районлан 100 ий теммым пайремлыме нерген Указым пеҥгыдемдыме. Марий Элым вуйлатыше 2024-ше ийыште У Торъял районлан 100 ий теммым палемдыме нерген документым ямдылен. Тудын дене келшышын пайрем мероприятий- влакым ямдылаш да эртарен колташ организационный комитетым ышташ да тудын составшым пеҥгыдемдаш палемдыме. Оргкомитет районын верысе самоуправлений органже- влак дене пырля тений икымше сентябрь марте мероприятий- влакын планжым ыштышаш да пеҥгыдемдышаш. Указым кузе шуктымым Михаил Васютин терген шогаш тӱналеш.
              Фото: МариМедиа.