Волжск оласе Спорт полатым кугу вашталтыш вуча

          Волжск оласе Спорт полатым кугу вашталтыш вуча. Тиде полат оласе спорткомплекс радамыш пура. Тушто оласе тӱҥ таҥасымаш- влак эртат, секцийлаште занятий, йоча да кугыеҥ- влакланат тренировко- влак эртаралтыт. Кажне кечын тушко 130 наре еҥ коштеш. Объектым 1972-шо ийыште чоҥымо, 2018-ше ийыште кугурак олмыктымо пашам шуктымо. «Спорт- илышын нормыжо» федерал проект кышкарыште Спорт полатым пужен ышташ 38 миллион утла теҥге оксам ойырымо. Тений икымше апрельыште «Берег» ушем дене муниципал контрактым пеҥгыдемдыме. Тудо электротулым ситарыше сетьым, вӱд пучым, канализацийым, вентилций ден шокшым пуышо да сигнализаций системым вашталтышаш. Кӧргыштӧ вичкыж пырдыж- влакым кораҥда, южо вере планировкым вашталта, зал, пӧлем, коридор, фойе- влакын пырдыжыштым тӧрла, пурымо верым уэмда, пандусым ышта. Чоҥымо пашалан 33 миллионым палемдыме, эше вич миллионжо спорт ӱзгарым налаш кая.
              Фото: «Волжская правда».