Марий Элысе предприятий Российысе кундем- влаклан светильникым луктеш
Марий Элысе предприятий Российысе кундем- влаклан светильникым луктеш. Импортым вашталтыме кышкарыште Марий Элысе предприятий кызытсе жапыште йодмаш дене пайдаланыше продукцийым луктеш да Россий мучко шара. Марий машиностроитель заводын изи предприятийже ынде ныл ий уремлан, офислан, промышленностьлан, теплицылан да чыла вере кучылташ лийше светильник- влакым луктеш. Кодшо ийын 26 тӱжем лампым лукмо гын, тений 60 тӱжемыш шукташ шонат. Кодшо ийын предприятийын оборотшо 130 миллион теҥгеш шуын гын, тений январь-мартыште гына 150 миллионым эртен.
Тений идалык тӱналтышыште лампын кугу ужашыжым Тамбов, Липецк, Орлов областьлашке корным волгалтараш колтымо. Продукцийым Марий Элыште утларак кучылташ тӱналыт гын, сайрак ыле, ойла директоржо Игорь Сосунов. Кызыт республикыш вич проуент гына колталтеш. Тиде пашам виктарен колтена манын ӱшанем, каласен тудо, - тунам Йошкар- Ола моторын волгалташ тӱналеш. Кызыт Йошкар-Оласе ятыр уремыште лач «Альтаир» светильник- влакым вераҥдыме. Тудо тыгак Шереметев замкым, икымше ТЭЦ-ын кӱкшӧ пучшым, Шкетан театрым волгалтара.
Кызыт предприятийын продукцийже 90-95 процентлан российысе ужашла гыч шога. Тушто эше импортым вашталтыше ик проект ышталтеш- ушан ола системын модульжо.
Тений идалык тӱналтышыште лампын кугу ужашыжым Тамбов, Липецк, Орлов областьлашке корным волгалтараш колтымо. Продукцийым Марий Элыште утларак кучылташ тӱналыт гын, сайрак ыле, ойла директоржо Игорь Сосунов. Кызыт республикыш вич проуент гына колталтеш. Тиде пашам виктарен колтена манын ӱшанем, каласен тудо, - тунам Йошкар- Ола моторын волгалташ тӱналеш. Кызыт Йошкар-Оласе ятыр уремыште лач «Альтаир» светильник- влакым вераҥдыме. Тудо тыгак Шереметев замкым, икымше ТЭЦ-ын кӱкшӧ пучшым, Шкетан театрым волгалтара.
Кызыт предприятийын продукцийже 90-95 процентлан российысе ужашла гыч шога. Тушто эше импортым вашталтыше ик проект ышталтеш- ушан ола системын модульжо.