Садовод- влакын йодышыштлан вашештат

              11-ше гыч 15-ше апрель марте садовод- влакын йодышышт дене приниматлыме арня эрта. «Единый Россий» партийым вуйлатышын регионысо мер приёмныйжо сад да пакча товариществыла дене кылдалтше йодыш дене приём арнян эртара. Кӧ тушто участвоватла? 12-шо апрельыште 10 гыч 13 шагат марте транспорт министерствын транспорт комплекс пӧлкажым вуйлатыше Роман Рзаев ден транспорт министерствын корно озанлыкым виктарыше пӧлкажым вуйлатышын алмаштышыже Татьяна Никитина калыкым вучат. 13-шо числаште 10 гыч 13 шагат марте Росимуществын Марий Эл, Мордовий, Чуваший да Пенза областьлаште регион- влак кокласе территориальный виктемжым вуйлатышын алмаштышыже Анна Цепкина, кусараш лийдыме погын кугыжаныш регистраций пӧлкажым вуйлатыше Константин Куварзин, Республикыште кугыжаныш регистраций, кадастр да картографий федерал службо виктемын кугыжаныш мланде недзор пӧлкажым вуйлатышын аламштышыже Виктор Еньков приёмым эртарат. 14-ше апрельыште кугыжаныш Погынын депутатше, «Российское село» партпроектын регионысо координаторжо Надежда Богачук, «Российысе садовод- влак ушемын» марий пӧлкажым вуйлатыше Геннадий Петрушин деке тиде жапыштак мияш лиеш. Чыла йодышым 63-00-39 номеран телефон дене рашемдыман.