Христофор Балдаевын шочмыжлан 95 ий темме лӱмеш ончер почылтын

             Йошкар-Олаште теҥгече Христофор Балдаевын шочмыжлан 95 ий темме лӱмеш ончер почылтын. Евсеев лӱмеш калыкле тоштерыште  учёный-зоологын лӱмгечыжлан «Пӱртӱс- тудын йӧратымаш ден чон йодмыжо» выставке пашам ышташ тӱҥалын. Тиде проектым Марий университетын биологий кафедрыже дене пырля ямдылыме. Молан манаш гын, Христофор Фокеевич тушто ӱмыржӧ мучко пашам ыштен. Шанчыеҥым республике деч ӧрдыжтат палат. Тудо йомын толшо янлык- влак нерген республикын Йошкар Книгажым ямдылен, орнитолог, фенолог, мӱкшым ончышо семын палыме. Шукерте огыл биологий термин- влакын пеш кӱлешан рушла-марла мутержым савыктен лукто. Выставкыште Балдаевын еш архивше гыч фото сӱрет- влакым, шанче пашажым, вургемжым, тоштерын фондшо гыч янлык да кайык- влакын чучылыштым чумырымо.
            Фото: Т.Евсеев лӱмеш тоштер.