Россий кӱкшытан конкурсыштым почмаште Угарман областьын губернаторжо Глеб Никитин лийын
Балет артист да хореограф- влакын Россий кӱкшытан конкурсыштым почмаште Угарман областьын губернаторжо Глеб Никитин лийын. Кодшо ийын Юл кундем федерал округын рӱдӧ олаже 800 ияш лӱмгечыжым палемден. Но Марий Элын делегацийже кугу чодыра пожарлан кӧра тушко миен кертын огыл. Сандене ямдылыме пӧлекым Республикым вуйлатыше губернаторлан кызыт кучыктен. Марий Эл ден Угарман область коклаште тӱвыра да туризм аланыште вашкыл нерген ойпидышым кылдыме. Тудым Александр Евстифеев ден Глеб Никитин пеҥгыдемденыт. Эн ончыч «Валдай» судно дене Юл эҥер мучко маршрут ышталтеш. Тидеч посна, Шереметевмыт тукымын кугу коллекцийже Угарман тоштерлаште аралалтеш. Сандене Юринысе Шереметевмыт замкыште Угарман тоштерлан филиалыштым почаш палемдыме.