Марий Эл гуманитар полыш семын Донбассыш пиломатериалым колтен

               Марий Эл гуманитар полыш семын Донбассыш пиломатериалым колтен. Кодшо кугарнян тушко кок машина каен. Тиддеч ончыч Донбассыште илыше калыклан 34 тонн кочкыш сатум колтымо ыле. Тунам чоҥымо материалым ямдылаш сӧрымӧ ыле. Мутым шуктымо. Марий Эл чодыран кундемлан шотлалтеш. Сандене чодыра участкын арендаторжо, пушеҥгым обрабатыватлыше, лесничестве- влак деке йодмаш дене лекме. Иктат тореш лийын огыл. Тиде- погымын икымше ужашыже гына,- каласен пӱртӱс поянлык министр Алексей Киселёв. Кок машинажат «Ме пырля» вашполыш штаб верланыме Ростов областьыш каен. Правительстве вуйлатышын алмаштышыже Степан Воронцовын мутшо почеш, тылзе мучашыште эше 14-15 тонн кочкыш сатум колташ палемдыме. Май-июньышто 130 кубометр наре чоҥымо материал да гигиенылык сату кайышаш. Августышто йоча- влакым школлан ямдылаш сатум погат, сентябрь тураште шокшо вургемым погаш палемдыме. Кызыт Александр Евстифеевын решенийже дене келшышын 52 кубометр тӱржым тӧремдыман оҥам колтымо.
            Фото: Екатерина Дьякова, «Марийская правда».