Марий Элын спортсменже- влак каратэ дене Российын Первенствыштыже шӧртньӧ ден той медальым сеҥен налыныт

            Марий Элын спортсменже- влак каратэ дене Российын Первенствыштыже шӧртньӧ ден той медальым сеҥен налыныт. Орёл олаште чыла стилян каратэ дене Российын первенствыже ден фестиваль эртен. 12-17 ияш самырык эн виян спортсмен- влак коклаште таҥасымаш тиде олаште кудымшо гана эртаралтын. Элысе 56 регион гыч тушко тӱжемат 266 еҥ ушнен. Первенство Российысе тунемше- влакын Спартакиадышкышт ойырен налме йыжыҥ семын аклалтеш. Марий Эл гыч 10 спортсмен кредалын. Нунын кокла гыч кок еҥже медальым налын. Богдан Белоусов «шӧртньӧ» медальым, Константин Матюков «той» медальым налыныт.
            Фото: Спорт-туризм министерстве, МариМедиа.