Йошкар-Олан тӱҥ архитекторжо «Архитекторы.рф» программын финалистше- влак радамыш пурен

             Йошкар-Олан тӱҥ архитекторжо «Архитекторы.рф» программын финалистше- влак радамыш пурен. Тӱҥ архитектор Андрей Дождиков офлайн-программын нылымше йыжыҥжын финалистше- влак коклаште улеш. Профессионал вияҥмашын оксам тӱлыдыман лидер программыже архитектура, олам чоҥымаш, кугыжаныш да муниципал виктем аланыште специалист- влакын улшо куатыштым почын ончыктымашке виктаралтын. Тений Элысе 55 регион гыч 70 олан представительже- влак пуреныт. Финалистын пелыже утла кугыжаныш да муниципал сферыште тӱрлӧ должностьышто пашам ыштат. Нунын кокла гыч 28 архитектор да лу специалистше олам чоҥымо да олам планироватлыме пашам шукта.
            Йошкар-Ола администрацийын фотожо.