Марий Элыште тений 300 тӱжем наре гектар пасум ӱдаш палемдыме

               Марий Элыште тений 300 тӱжем наре гектар пасум ӱдаш палемдыме. Тидыже кодшо ийысе нарак лиеш. Пырчан да пырчан-отызан культура 150 тӱжем гектарым айлышаш, кокияш пырчан культурым 47 тӱжем гектареш, икияш пырчаным- 103 тӱжем гектар, технический культура 12 тӱжем утла, пареҥге 12 тӱжем утла, пакча саска ныл тӱжем, кормалык культура 121 тӱжем гектарым айлышаш. Кокияш озым удан огыл телым эртарен: 85 процентше сай семын аклалтеш, 15 процентше начар радамыш пура. Озанлык- влак урлыкашым тичмаш ситерныт, лач кукурузо кӱлешлыкын 90 процентшым, рапсым 89 процентым шапашлыме. Ончыкылан  йот эл гыч налме ӱйлык культурын, пареҥгын да саскан урлыкашыштым шкенаным ситараш манын, элысе селекцийын урлыкашым ямдылыше шанче организаций да тӧнежла дене ойпидышым кылдыме. Машинотракторный паркым уэмдашлан тымарте 299 миллион теҥгелан 70 единице техникым налме. Нунын радамыште 21 трактор, шурным погышо 4 комбайн, 1 плуг, 1 культиватор, 7 сеялке, 2 прицеп, шурным эрыктыше 2 оборудований, вольык озанлыклан 7 оборудований улыт.