Йошкар-Олаште икымше классыш тунемаш пураш йодмашым налаш тӱҥалме

            Йошкар-Олаште икымше классыш налаш кум тӱжемат 460 комплект документым пуымо. Икымше классыш налаш йодмашым пуаш тӱҥалме деч вара 11 кече жапыште тынар йодмашым погымо. Документым налме икымше йыжыҥ 30-шо июнь марте шуйна. Кызыт йодмашым илыме вер шот дене налыт але йоча школ деч тораште огыл ила гын. Тыгак школыш эн ончыч налаш льготан еҥ- влак йодмашым пуат. Школ деч тораште илыше- влак деч документым 6-шо июль гыч вер теммешке налаш тӱҥалыт. Икымше классыш йодмашым Шинчымашым пуымо полыш порталыште да Кугыжаныш полыш порталыште пуаш лиеш.