Ончычсо музыкальный училищын леведышыжым олмыкташ 16 миллион утла теҥгем ойырат
Марий музыкальный училищын леведышыжым олмыкташ 16 миллион утла теҥгем ойырат. Олмыктымо пашам шошо-кеҥеж жапыште шуктат. Тӱвыра министерствын увертарымыже почеш, республикысе кучем «Училище музыкальное, 1960» тӱвыра поянлык объектым ачалаш 17 миллионат 600 тӱжем теҥгем ойыраш пунчалын. Экономикысе кызытсе саманым шотыш налын, пашалан ямдылыме смета документацийыште корректировкым ыштыме. Тыге тудын акше палемдыме кугытыш шуын. Олмыктымо пашалан «Марий Элысе тӱвыра» программын шийвундыжым уэш шеледыме лиеш. Леведыш деч вара зданийын пырдыжшым да интерьержым олмыкташ тӱналыт.