Йошкар-Оласе 11-ше номеран лицейыште занятий Российын Гимнжым шоктымо да Кугыжаныш тистым нӧлталме гыч тӱҥалын
Йошкар-Оласе 11-ше номеран лицейыште занятий Российын Гимнжым шоктымо да Кугыжаныш тистым нӧлталме гыч тӱҥалын. Рӱдӧ олаштына у йӱлалан тӱналтышым ыштеныт- торжественный линейкым эртарыме годым тистым нӧлталыт да гимным шоктат. Тыге, у тунемме арня 11-ше номеран лицейыште лач тыге тӱҥалын. Тиддеч посна юнармеец- влак лицейын гербшым нумал эртеныт, а моло тунемшыже- влак патриот мурым муреныт.
Тиддеч ончыч Российын просвещений министрже Сергей Кравцов увертарен ыле: у тунемме ий гыч школлаште тунемше- влак арняш ик гана урок деч ончыч гимным колышташ тӱҥалыт. Тиддеч посна икымше сентябрьын школлаште арня тӱҥалтышыште кугыжаныш тистым обязательно нӧлтымаш пурталтеш. Президент Владимир Путин тиде шонымашым сайлан шотлен да шижтарен: тидым достойно ыштыман. Элысе икмыняр школ тиде йӱлам тенияк илышыш шыҥдараш пунчалын. Тиде тӱҥалтыш деке Йошкар-Олат ушнен. 11-ше лицейысе торжественный мероприятийыште республикысе туныктыш министр Лариса Ревуцкая участвоватлен. Тудо палемден: Таисия Александрова лӱмеш лицей Российыште у йӱла деке ушнышо икымше школ радамыш пурен.
Йошкар-Ола администрацийын фотожо.
Тиддеч ончыч Российын просвещений министрже Сергей Кравцов увертарен ыле: у тунемме ий гыч школлаште тунемше- влак арняш ик гана урок деч ончыч гимным колышташ тӱҥалыт. Тиддеч посна икымше сентябрьын школлаште арня тӱҥалтышыште кугыжаныш тистым обязательно нӧлтымаш пурталтеш. Президент Владимир Путин тиде шонымашым сайлан шотлен да шижтарен: тидым достойно ыштыман. Элысе икмыняр школ тиде йӱлам тенияк илышыш шыҥдараш пунчалын. Тиде тӱҥалтыш деке Йошкар-Олат ушнен. 11-ше лицейысе торжественный мероприятийыште республикысе туныктыш министр Лариса Ревуцкая участвоватлен. Тудо палемден: Таисия Александрова лӱмеш лицей Российыште у йӱла деке ушнышо икымше школ радамыш пурен.
Йошкар-Ола администрацийын фотожо.
