«Порын кушто» икымше поро кумыл концерт лиеш

           Шкетан лӱмеш театрын сценыштыже 30-шо апрельын 14 шагатлан Куштымаш кечылан пӧлеклалтше «Порын кушто» икымше поро кумыл концерт лиеш. Рӱдӧ оласе эн виян да уста куштышо студий- влак шке усталыкышт дене Йошкар-Оласе Лелия Соколова лӱмеш йоча эмлыме верын онкогематологий пӧлкажын пациентше- влак деке тӱткышым виктараш полшат. Чылаже 24 коллектив погынышаш. Концертыште погымо чыла шийвундо онкочеран йоча- влаклан эмым налаш колталтеш.