Дымка ден Мурзик- влак у пӧртым кычалыт

          Дымка ден Мурзик- влак у пӧртым кычалыт. Шуматкечын 23-шо апрельыште «Ёлка» ужалкалыме да каныме рӱдерыште пырыс- влакын выставкышт почылтеш. «Кугу шӱман изи йолташ- влак» поро кумыл фонд тыгай йӧн дене шке ончымо пырысыштлан оза- влакым муаш полшат. Шкаланышт йолташым муаш шонышо- влак келшыше пырысым ойырен налын кертыт. Ветеринарий комитетын увертарымыже почеш, выставкыш лукмо чыла пырысым вакцинироватлыме да стерилизоватлыме улыт. Кӧн мӧҥгыжӧ налаш йӧнжӧ уке гын, окса полышым ыштен кертеш. Тиде кечын погымо окса приютышто илыше пырыс- влакым пукшаш, эмлаш колталтеш. Выставке лу гыч 19 шагат марте пашам ышта. Оксам тӱлыде пураш лиеш.
           Фото: МариМедиа.