Волжск ола гыч кок кучедалше Россий кӱкшытан турнирыште «шӧртньӧ» медальым сеҥен налын

             Волжск ола гыч кок кучедалше Удмуртийыште эртыше Россий кӱкшытан турнирыште «шӧртньӧ» медальым сеҥен налын. Тушто Буторин ден Гребенкиным шарныме лӱмеш греко-рим кучедалмаш дене йӱлаш савырныше Россий кӱкшытан турнир лийын. Таҥасымашке элнан тӱрлӧ кундемже гыч 300 наре спортсмен погынен. Пьедесталын эн кӱкшӧ тошкалтышыкыже Памар школ гыч Матвей  Колениченко ден Волжскысо 9-ше школ гыч Егор Данилов кӱзеныт. Шӧртньӧ медаль марте изиш гына Волжскысо икымше номеран школ гыч Иван Дерзов шуын огыл, кокымшо лийын. Той медаль марте кум секунд кудымшо школ гыч Константин Ириновлан ситен огыл. Тудо визымше лийын. Нунын тренерышт Российын сулло тренерже Александр Серяков, спорт мастер- влак Александр Феоктистов ден Марс Сабитов улыт.
           Фото: «Волжская правда» газет.