«Вятка» корнын 11 меҥгыжым олмыктат
Марий Элыште «Вятка» корнын 11 меҥгыжым олмыкташ тӱналыт. Тичмаш пашам тений октябрьлан мучашлаш палемдыме. Асфальт шартышым Аэропортыш намийыше шым меҥге кужытышто уэмдат. Тиде паша ик эн шуко автомобиль коштман корнын ӱмбалжым норматив марте шукташ йӧным пуа. Тиде корно дене кече еда 14 тӱжемат 500 автомобиль кудалыштеш. Тиддеч посна огражденийым олмыктат да разметкым ыштат. Тыгаяк пашам Оршанке посёлкым йыр савырнен кайыме корныштат шукташ палемдыме. Тудын ныл меҥге кужыт ужашыже олмыкталтеш. Чылаже тений «Волго-ВятскУпрАвтоДор» виктемын йодмыжо почеш федерал корнын 68 меҥгыжым норматив марте шуктышаш улыт.