Звенигово олаште тунемше- влаклан Юл эҥер серыште лӱдыкшыдымылык урок эртен

Звенигово олаште тунемше- влаклан Юл эҥер серыште лӱдыкшыдымылык урок эртен. Тудым Изи судно шотышто кугыжаныш инспекцийын пашаеҥже да районысо аварийно-утарыше группын специалистше- влак эртареныт. Школлаште тунемше- влаклан шошымсо ийын лӱдыкшыжӧ, ийын тӱсшӧ дене кузе кӱжгытшым пален налаш, могай вер- влак эн лӱдыкшӧ улыт, могай правил- влакым эскераш кӱлмӧ нерген умылтареныт. Тиддеч посна ий вӱдыш логалше- влакым утараш могай ӱзгарым кучылташ лийме нерген каласкаленыт. Гидрокостюман специалистын пуйто вӱдыш пурен кайымекыже тудым кузе утарымым ончыктеныт. Тунемше- влаклан тиде пеш пайдален лийын.

              Фото: Россий МЧС-ын Марий Элысе тӱҥ виктемже.