Парадын репетицийже тӱҥалеш

Парадын репетицийже тӱҥалеш
            Йошкар-Олаште парадын репетицийжым эртарымылан кӧра Ленин проспект жаплан петыралтеш. Шушаш арнян рудӧ олаштына 9-ше майын торжественный парадыште участвоватлыше Йошкар-Ола гарнизонысо войскан тренировкыжо тӱналеш. Тидлан кӧра 20-шо да 22-шо апрельыште Ленин проспектым петыраш тӱналыт. Тудын Первомай деч Советский урем марте ужашыже дене 14 гыч 17 шагат марте транспортлан кошташ чаралтеш. Тиддеч посна тиде кечылаштак 6 шагат эр гыч 18 шагат марте площадь воктене Волков уремыште, Комсомол уремыште Шкетан театр воктене машинам шогалтен кодаш ок лий.

Прошлые выпуски