Козьмодемьянск трактыште самотёчный коллекторым пужен ыштат

          Козьмодемьянск трактыште самотёчный коллекторым пужен ыштат. Тидын шотышто ойпидышым кылдыме. 1974-ше ийыште чоҥымо сооружений Козьмодемьянск корно воктене, Йыван Кырля урем дене Черняков деч Бауман урем марте эрта. Кызыт Медведево посёлко дене 9-ше микрорайон шарлымеке, пучын куатше лавыра вӱдын кугытшым колтен ок шукто. Адакшым нуно тоштемыныт. Лач пужен ыштымаш гына ончыкыжымаварий ситуаций деч кораҥаш да канализацийын куатшым кугемдаш полша. Проект кӱлешан да шергын шогышо. Тудым ыштен шуктыме кок ий наре жап кӱлеш. Окса кӱшыл бюджетла гыч ойыралтеш,- палемда мэрий.
             Фото: Йошкар-Ола администраций.