Чоҥымо паша умбакыже шуйна

            Чоҥымо паша умбакыже шуйна. Лишыл жапыште Йошкар-Олаште могай кумдык- влакым пужен ышташ тӱналыт? Ик ий ончыч рӱдӧ марий олаште кумдыкым комплексно вияҥдыме программе пашам ышташ тӱҥалын. Тудын дене келшышын аукционышто сеҥышыш лекше подрядчик аварийный пӧртла гыч калыкым кусара, тиде пӧрт- влакым ронча да тудын олмышто кӱлешан инфраструктуро дене у пӧрт- влакым чоҥа. Кодшо ийын шыжым Карл Либкнехт, Воин-Интернационалист- влак. Киров урем да Ленин проспект коклаште верланыше «Театральный» микрорайонышто верланыше кварталыште пашам ыштышаш застройщик дене ойпидышым кылдыме. Мэрын алмаштышыже Алексей Игитовын мутшо почеш, проектыш тыгак Воин-Интернационалист- влак уремым Карл Либкнехт урем марте кужемдымашат пура. Телым эше ик ойпидышым кылдыме. Тудыжо 77-ше квартал дене кылдалтын. Тиде Машиностроитель ден Рябинин урем коклаште Ленин  проспектыште верланыше кок пачашан канде чия дене чиялтыме пӧрт- влак нерген ойлалтеш. Соловьёв уремым комплексно вияҥдыме нергенат ойпидышым кылдыме. Тушто кум пӧрт нӧлталтшаш. Чоҥымо кумдык- влакым тӱзландарыме программат пашам ышта. тудын кышкарыште ныл кумдык у тусым налшаш. Иктыже: Гоголь уремысе 9-ше пӧртыштӧ илыше- влакым кусарымаш да архитектруа памятник- Карелинын пӧртшым пужен ыштымаш дене кылдалтын. Весыже – Зарубин уремыште. Дубки микрорайонышто да Чехов кумдыкышто тошто пӧрт- влакым кораҥден, шуко пачеран пӧртлам чоҥымо дене кылдалтын. Алексей Игитовын мутшо почеш, тыгак ММЗ воктелсе, Ширяйково, ЗПП ваштареш микрорайонышто Суворов, Анциферов, Машиностроитель урем коклаште, тыгак Суворов, Машиностроитель да Зарубин урем кокласе микрорайонлаште пашам шуктымо лиеш.
         Фото: Анастасия Петрова. МедиаПоток.