«Ялысе кундемлам комплексно вияҥдымаш» программе дене Марий Эл икымше верым айла

              «Ялысе кундемлам комплексно вияҥдымаш» программе дене Марий Эл икымше верым айла. Калыкле да федерал проект- влакым шуктымо тӱҥ показатель- влакым Российыште регионлам вияҥдыме шотышто Правительстве комиссий Президиумын заседанийыштыже ончымо. Тудым регионлам вуйлатыше- влак дене видеоконференц кыл йӧн дене Россий правительстве вуйлатышын алмаштышыже Марат Хуснуллин эртарен. Заседанийын пашаштыже Марий Элым вуйлатыше Александр Евстифеев лийын. 11-ше апрельлан шотлымаште «Ялысе кундемлам комплексно вияҥдымаш» программе дене Марий Эл икымше верыште улеш, корным чоҥымо дене –нылымше, «Юл эҥерым тазаҥдымаш» федерал проект дене индешымше верым айла. «Юл эҥерым тазаҥдымаш» регионысо проект кышкарыште тений Марий Элыште кок очистной сооружений чоҥалтеш. Контрактым тичмаш пеҥгыдемдыме. Федерал бюджет гыч ойырымо оксан тичмаш кугытшо 217 миллион утла теҥге. «Регионысо да верысе корно сеть» регионысо проект кышкарыште тений 50 объектыште паша шукталтеш. Вес ийын 55 объектыште ыштыман. Чылаже шотыштат контрактым ыштыме. 2024-ше ийысе объект- влак шотышто подряд организаций- шамычым икымше май гыч рашемдаш тӱҥалыт. Федерал программе кышакрыште корно пашалан окса ныл миллиардат 981 миллион теҥге ойыралтшаш.
             Фото: Марий Элым вуйлатышын организаций да аналитик виктемже.