Инфекциян чер- влак ваштареш вакцинацийым ыштыме йодыш дене умылтарымашым эртарат

                    Республикысе калыклан инфекциян чер- влак ваштареш вакцинацийым ыштыме йодыш дене умылтарымашым эртарат. Тидын шотышто таче «шокшо линий» пашам ышташ тӱҥалын. Калыкын йодышыжлан 18-ше гыч 29-ше апрель марте Роспотребнадзор виктемын да гигиена рӱдерын специалистше- влак вашештат. Телефон дене тыгак корь, краснуха, эпидемиян паротит, полиомиелит, пневмококк да гемофильный инфекций, туберкулёз, дифтерий, столбняк, коклюш да моло инфекций ваштареш прививкым ыштыме нерген умылтарымашым налаш лиеш. Йодышым сутка мучко ыштыше Роспотребнадзорын единый умылтарыме рӱдерышкыже 8 800 555 49 43 номер дене пуаш лиеш. Тыгак Роспотребнадзор виктемыш 68-19-57, Гигиена рӱдерыш 45-19-33 йыҥгырташ йӧн уло. Тыгак Волжский, Курык марий, Шернур да Советский районласе пӧлкалашке йыҥгырташ лиеш.