Балет артист да хореограф- влакын Россий кӱкшытан конкурсышт мучашлалтын

              Йошкар-Олаште балет артист да хореограф- влакын Россий кӱкшытан конкурсышт мучашлалтын. Тудо Эрик Сапаев лӱмеш опера да балет кугыжаныш академичсекий театрыште эртен. Российын тӱвыра министрже Ольга Любимован мутшо почеш, мероприятий икымше гана Йошкар-Олаште эртаралтын. Тудо конкурсым негызлыше СССР-ын калык артистше Юрий Григоровичын лӱмгече идалыкыштыже лийын. Кугу Гала-концертыште сеҥыше- влакын лӱмыштым увертарыме. Сеҥыше- влакым Изирак ийготан ӱдыр- влак коклаште, рвезе- влак коклаште посна палемдыме. Тушко Йошкар-Ола гыч Елена Полушина ден Александр Чимаев кумшо вер дене пуреныт. Кугурак ийготан- влак коклаште мемнан- влаклан призан вер логалын огыл. Дипломант радамыште изирак тӱшка гыч Софья Дмитриевам, кугурак группышто Роман Стариковым палемдыме. Туныктышо- влак кокла гыч специальный премийым Виктор Шутылев налын.
            Фото: Евгений Никифоров. МариМедиа.