«Палантайын апрельже» лиеш

            Йошкар-Оласе ик тоштерыш мийыше- влакым «Палантайын апрельже» вуча. Иван Степанович Ключников- Палантайын Тоштер-пӧртыштыжӧ 19-ше гыч 24-ше апрель марте «Палантайын апрельже» акций эрта. Проект икымше профессионал марий композиторын шочмо кечыжлан пӧлеклалтеш. Программыште Ключников- Палантайлан чапкӱ воктеке пеледыш аршашым пыштымаш, Тоштер-пӧрт мучко экскурсийым эртарымаш, «Палантайын илыш да усталык корныжо» куснылшо баннер ончер мучко экскурсийым эртарымаш улыт.
           Фото: И.С.Ключников-Палантайын тоштер-пӧртшӧ.