Сымыктышын калыкле гимназийыштыже туныктышо «Виват, музыкант!» Россий кӱкшытан конкурсышто сеҥышыш лектын

            Марий Элысе сымыктышын калыкле гимназийыштыже туныктышо «Виват, музыкант!» Россий кӱкшытан конкурсышто сеҥышыш лектын. Кодшо шуматкечын Москошто йоча музыкальный да йоча сымыктыш школаште шӱлыш да перыман семӱзгар дене шокташ самырык туныктышо- влакын профессионал мастарлыкыштым тергыме Россий кӱкшытан конкурсышто Республикысе сымыктышын калыкле гимназийыштыже туныктышо  Людмила Майкова икымше степенян лауреат лийын. Наградым кучыктымо церемоний Гнесинмыт лӱмеш музыко академийын музыкальный училищыжын Кугу залыштыже эртен. Конкурс Петр Первыйын шочмыжлан 350 ий теммылан пӧлеклалтын. Конкурсын оргкомитетышкыже 57 регион гыч 300 утла йодмаш пурен улмаш. Латкандаш кундем гыч 30 финалист шке пашаштым презентаций семын ончыктеныт да Москосо тунемше- влак ончылно виш урокым эртареныт.
            Фото: тӱвыра министерстве.