Донбассыш колташ пакчаште ӱдышаш нӧшмӧ ден озымым погымо «Поро пакча» акций тӱналын

            «Единый Россий» партий Донбассыш колташ пакчаште ӱдышаш нӧшмӧ ден озымым погымо «Поро пакча» акцийым тӱналын. Тидыже верысе калыклан пакча- саскам ончен кушташ йӧным ыштышаш. Тидын нерген «Ялым вияҥдымаш» калык программын координаторжо, Кугыжаныш Думын аграрный йодыш дене комитетшым вуйлатышын алмаштышыже Надежда Школкина увертарен. Молан манаш гын, Донбассысе чыла калык шке пачаштыже пашам кӱлеш семын эртарен огыт керт, кызыт полшаш кӱлеш, манын тудо. Кызыт эн ончычак пакча-саска нӧшмӧ кӱлеш- тиде кешыр, йошкарушмен, шоган, чеснок, редис, кабачок ден кавун. Тыгак урлыкаш пареҥге, ковышта озым кӱлеш. Тидыже еш- влаклан кочкышым шкаланышт шке ситараш полша. «Садоводын пӧртшӧ- ешын негызше» республикысе проектын координаторжо Геннадий Петрушинын мутшо почеш, регионысо пӧлка урлыкаш нӧшмӧ ден кычкым погаш тӱҥалын. Тӱҥжӧ нуно районированный, кечывалвел, кечывалвел-касвел кундемлан келыштарыме лийшаш улыт, - палемден тудо.
          Фото: сайт «Единая Россия».