Чодырашке кошташ чаралтеш
Республикыштына 29-ше апрель гыч чодырашке кошташ чаралтеш. Марий Элыште пожар ваштареш виктаралтше посна режимым ыштыме нерген пунчалым пеҥгыдемдыме. 19-ше апрельыште Правительствын пеҥгыдемдыме пунчалже почеш 29-ше апрель гыч 15-ше май марте посна режим пурталтеш. Тиде кечылаште чодыраш калыклан кошташ да транспорт дене пураш ок лий. Пунчалым кузе шуктымым тергаш Правительстве вуйлатышын алмаштышыже Степан Воронцовлан кӱштымӧ.
