Федерал автомобиль корнылаште лакылам тӧрлат

             Республике гоч шуйнышо федерал автомобиль корнылаште лакылам кораҥдат. Машина коштмо верлаште ситыдымаш- влак транспорт шуко коштмылан да температурын трук вашталт шогымыжлан кӧра лектыт. Корнышто лӱдыкшыдымылыкым ышташ манын, тыгыде лаке- влакым йӱштӧ, шокшо але велыман асфальтобетон дене тӧрлат. «Вятка» федерал трассыште номатив марте тӱжемат 330 квадрат метрым шуктымо. «Поветлужье» корнышто 379 квадрат метрым, Йошкар-Ола –Зеленодольск корнышто, Куярым да Волжскым йыр савырнен кайыме корнышто 150 квадрат метр кумдыкым олмыктымо. Лакылам петыраш 155 тонн материалым кучылтмо. Ушештарена: «Волго-ВятскУпрАвтоДор» виктем Марий Элыште федерал корнын кум ужашыжлан мутым куча. Тиде «Волга» М-7 автомобиль корнын Йошкар-Ола- Зеленодольск ужашыже, Р-176 «Вятка» корнын Чебоксар-Йошкар-Ола –Киров- Сыктывкар ужаншыже, да Р-177 «Поветлужье» корно. «Волго-ВятскУпрАвтоДор» виктемы водитель-влакым тӱткӧ лияш ӱжеш. Корно шартышыште ситыдымашым ужыныт гын, диспетчер службыш 8 843 273 54 08 номер дене йыҥгырташ йодыт.
       Фото: «Ваш Новый День» газет.