Курык марий ансамбль икымше степенян лауреат лийын

             Кодшо кечылаште Озаҥысе кугыжаныш тӱвыра институтышто  Российын нематериальный тӱвыра поянлык идалыкшылан пӧлеклалтше тӱвыра да калык художественный усталыкын «Этномириада» 9-ше  Тӱнямбал конкурс-фестивальын кокымшо йыжыҥже, Гала концертше да наградым кучыктымо церемоний эртен. Фестиваль-конкурсын икымше йыжыҥыштже онлайн формат дене Российысе да йот элласе кундемла гыч 198 фольклор коллектив, ныл мода коллектив, фольклор куштымашын 46 ансамбльже калыкле семӱзгар дене шоктышо 39 ансамбль, калык мурым мурышо 204 солист таҥасен. Марий Эл гыч фестиваль конкурсыш Курык марий район гыч Галина Суворован вуйлатыме «Шанавыл» калык фольклор ансамбль, аккомпаниаторжо Россий тӱвыран сулло пашаеҥже Арсений Яйцов миеныт да курык марий сӱанын ужашыжым ончыктеныт. Лектыш почеш нуно «Фольклор ансмабль» номинацийыште икымше степенян лауреат лӱмым налыныт.