Шуктымо ковыштан икымше фестивальжым эртарыме

             Республикыштына икымше гана Шуктымо ковыштан фестивальжым эртарыме. Кодшо рушарнян Оршанке посёлкышто кумылан- влак турнявӧчыж, редис, кияр але олма, шоган да кешыр дене шопыктарыме ковыштам темлен онченыт. Иоанн Предтечан Рошто храмжын приходыштыжо умылтарыме почеш, фестивальым схимонахиня Магдалина- Оршанкысе Любушка лӱмеш эртарыме. Тудо пеш устан пакчам кучышо да чапле ковыштам ончен- куштышо семын ойыртемалтын маныт. Изивий рушарнян пайрем литургий да ырес дене эртрыме деч вара храм кундемыш конкурсыш шуктымо ковышта гыч ямдылыме 17 тӱрлӧ кочкышым конденыт. Тиддеч посна черке пашаеҥ- влак тулотеш пучымышым, пареҥгым да чайым шолтеныт. Юалге игече лийын гынат, тамлен ончаш кумылан- влак ятырын лийынт.
             Чыла кочкын- тамлен ончымеке фестивальын унаже- влак эн сай рецепт верч шке йӱкыштым пуэныт. Икымше верым Йошкар-Ола гыч Любовь Полищук налын, кокымшо вер Оршанке гыч Надежда Мухиналан логалын, кумшо верым Йошкар-Ола гыч Владимир Козловлан пуымо.
        Фотом «ВКонтакте» вотышто храмын лаштыкше гыч налме. «Марийская правда».