Таче стендовый модель- влакын республике кӱкшытан выставкышт почылтын

            Таче калыкле книгагудышто стендовый модель- влакын республике кӱкшытан выставкышт почылтын. Тушто тӱрлӧ семын ыштыме модель- влак ончыкталтыт. Тиде картон, кагаз гыч ыштыме, техникын кугу модельже, сюжетан композиций- влак улыт. Самырык техник-моделист- влакын пашаштым тӱрлӧ разделыш чумырымо: авиаций, автомобильым, ял озанлык машинам чоҥымаш, бронетанковый, артиллерий, стрелковый вооружений, теҥыз да эҥер технике, чоҥымаш, архитектура, фортификаций ужаш- влак. Ончерым «Йоча да самырык- влакын техник усталык рӱдерышт» ямдылен. Тунемше- влакын кидышт дене ыштыме паша- влакым 20-шо май марте ончаш лиеш.
           Фото: «Ваш Новый День» газет.