Йошкар-Ола гыч кок студент профессионализмлан медальоным налын

            Йошкар-Ола гыч кок студент профессионализмлан медальоным налын. «Самырык профессионал- влак» калыкле чемпионатыште Марий Элын чондайже профессионализмлан кок медаль дене пойдаралтын. Иктыжым Ярославль областьыште Марий радиомеханический техникумын студенткыже Валерия Дюкова «Фнансы» компетенцийыште налын. Туныктышыжо- Людмила Новикова. Тыгак Йӱдвел Осетийыште эртыше профессионал мастарлык шотышто таҥасымаште Бауман лицейын тунемшыже Михаил Козицын сай лектышым ончыктен. Тудо эше Строительный техникумышто каменщик ешартыш пашаче профессийым налеш. Тудым «Кермычым оптымаш- юниор» категорийыште палемденыт. Пашалан туныктышо мастерже- Капитолина Крылова. - увертара туныктыш министерстве.
             Туныктыш министерствын фотожо.