Марий Элым вуйлатышым «Студент шошо- 2022» фестивальым почмашке ӱжыныт

          Марий Элым вуйлатышым «Студент шошо- 2022» фестивальым почмашке ӱжыныт. Шушаш арнян 27-ше апрельыште студент- влакын усталыкыштым ончыктышо Республике кӱкшытан фестивальым торжественно почмаш лиеш. Тудо студент- влакын усталыкыштым вияҥдаш полшышо программым шындарыме кышкарыште республикысе вузласе студент- влак коклаште эрта. Самырык- влакын полатышкышт пайремым почмашке Марий Элым вуйлатыше Александр Евстифеевым, республикысе правительствын еҥже- влакым, Кугыжаныш Погынын еҥыштым ӱжмӧ. Россий кӱкшытан фестиваль 1992-шо ий годсек эртаралтеш. Тушко республикысе студент-влак чолган ушнат. Республикыште сеҥыше- влак Россий фестивальыш каят. Тудын финалже тений Самара олаште лиеш. Республикысе фестивальым торжественно почмаш 17 шагатат 20 минутлан «Зеркальные люди» мероприятий дене тӱналеш да 20 шагатат 30 минутышто «Тиара» арт-студийын фаер-шоужо дене мучашлалтеш.