Йошкар-Оласе индешымше микрорайонышто йолын коштмо вер- влакым олмыктат

                 Йошкар-Оласе индешымше микрорайонышто йолын коштмо вер- влакым олмыкташ тӱналме. Подрядчик- влак тиде пашам «Йӧнан оласе кумдыкым ыштымаш» федерал проект кышкарыште шуктат. Кодшо ийын оласе калыкын йӱклымыжӧ почеш тӱзландараш 8 кумдыкым ойырен налме ыле. Нунын кокла гыч кызыт Прохоров уремысе 36 –шо пӧрт деч Ян Крастынь уремысе 2-шо пӧрт марте, 32-шо пӧрт деч Крастынь ден Васильев урем ушнымаш марте тротуар- влакым олмыкташ тӱналме. Кызыт корно пашазе- влак бордюр кӱым вераҥдат. Варарак у асфальтым шарат да изи архитектур формо- влакын вераҥдат. А вес ийын олмыктышаш кумдык- влак шотышто кызыт 30-шо май марте 12.городсреда.ру порталыште йӱклаш лиеш.
                 Йошкар-Ола администарцийын фотожо.