Российысе ече спорт федерацийын рейтингыштыже Екатерина Смирнова кокымшо верым айла

          Российысе ече спорт федерацийын рейтингыштыже Екатерина Смирнова кокымшо верым айла. Эртыше ече тургымышто Марий Элыште шочшо ӱдыр тӱжемат 506 очком поген. Тудын дечын шукырак олимпий чемпионка Наталья Непряеван веле. Тудо Российын сборный да Архангельск областьын командыштыже шотлалтеш Пекинысе Олимпий модмашын чемпионкыжо эстафетыште тӱжемат 976 очком поген. Кокымшо верыште Марий Эл гыч Тюмень областьын спортсменкыже, континенталь кубкын зачётыштыжо сеҥышыш лекше Екатерина Смирнова улеш. (Фотосӱретыште аваже Людмила Смирнова дене шога). Кумшо верым Бурятий гыч Алиса Жамбалова тӱжемат 438 очко дене айла. Рейтингыш чылаже 45 регион гыч 214 спортсменке пурен. Марий Эл гыч тушто Ирина Соловьёва 88 очко дене 68-ше верым, Юлия Падыганова 40 балл дене 95-ше верыште улыт.
          Фотом Михаил Казаков пуэн.