Самырык куштызо- влак Россий кӱкшытан таҥасымашыште кумшо верым сеҥен налыныт
![Самырык куштызо- влак Россий кӱкшытан таҥасымашыште кумшо верым сеҥен налыныт](/upload/iblock/b01/7krr227khz2tjzvfvg7xrcnkxioq5bt1.jpg)
Йошкар-Ола гыч самырык куштызо- влак куштымо спорт дене Россий кӱкшытан таҥасымашыште кумшо верым сеҥен налыныт. Санкт-Петербургышто куштымо спорт дене Россий кӱкшытан таҥасымашын кокымшо кечыжын лектышыже почеш призёр радамыш Йошкар-Олан спортсменже- влакат пуреныт. Сергей Козлов ден Ева Фейгина «Латиноамерикан программе, 7-9 ияш ӱдыр да рвезе- влак» номинацийыште кумшо верыш лектыныт. Уста куштызо- влак Йошкар-Оласе «Арена» комплексыште тунемыт, кугурак тренерышт Дмитрий Ушаков.
Спорт-туризм министерствын ВК тӱшкажын фотожо. «Марийская правда».
Спорт-туризм министерствын ВК тӱшкажын фотожо. «Марийская правда».