Марий Элыште кок ий жапыште ныл школым чоҥаш палемдыме
Марий Элыште кок ий жапыште ныл школым кок тӱжемат 710 верлан чоҥаш палемдыме. Тидын нерген Республикым вуйлатыше Александр Евстифеевын эртарыме правительствын заседанийыштыже туныктыш министр Лариса Ревуцкая ойлен. Проект почеш Йошкар-Олаште 825 верлан школ, Килемар районысо Кого Памъялыште 60 верлан да школ дене ончычсо 20 веран группылан тӱҥ школ лийшаш. Нуно концессий ойпидыш почеш ышталтшаш улыт.
Эше кок школым Кугыжаныш программе почеш Йошкар-Олаште тӱжемат 100 верлан да Медведево районысо Руэм посёлкышто 725 верлан нӧлташ палемдыме. Тиддеч посна туныктымо системыште 119 у инфраструктура объект ышталтеш, тений «Точка роста» 22 рӱдер почылтшаш, 29-ше школ негызеш «Кванториум» йоча технопарк почылтшаш. Тушто йоча- влак естественно-научный предмет- влакым келгын шымлаш тӱҥалыт, 37 школ у компьютер оборудованийым налеш. Тений тыгак ешартыш шинчымашым пуымо тӱжемат 534 у вер почылтеш. 2026-шо ий марте 102 школ капитально олмыкталтшаш.
Каҥашыме йодыш коклаште тыгак Йошкар-Ола ден Волжскышто очистной сооружений- влакым чоҥымо, рӱдӧ олаште Киров ден Строитель уремлам ушышо магистраль уремым чоҥымо нерген ойлымо. Ленин проспектыште кӱварым пужен ыштыме йодышым ончымо. Тыгак Александр Евстифеев кугу Сеҥымашлан 77 ий темме кечылан ямдылалтме да пайремлыме йодышеш шогалын.
Фото: Марий Элым вуйлатышын организаций да аналитик виктемже.
Эше кок школым Кугыжаныш программе почеш Йошкар-Олаште тӱжемат 100 верлан да Медведево районысо Руэм посёлкышто 725 верлан нӧлташ палемдыме. Тиддеч посна туныктымо системыште 119 у инфраструктура объект ышталтеш, тений «Точка роста» 22 рӱдер почылтшаш, 29-ше школ негызеш «Кванториум» йоча технопарк почылтшаш. Тушто йоча- влак естественно-научный предмет- влакым келгын шымлаш тӱҥалыт, 37 школ у компьютер оборудованийым налеш. Тений тыгак ешартыш шинчымашым пуымо тӱжемат 534 у вер почылтеш. 2026-шо ий марте 102 школ капитально олмыкталтшаш.
Каҥашыме йодыш коклаште тыгак Йошкар-Ола ден Волжскышто очистной сооружений- влакым чоҥымо, рӱдӧ олаште Киров ден Строитель уремлам ушышо магистраль уремым чоҥымо нерген ойлымо. Ленин проспектыште кӱварым пужен ыштыме йодышым ончымо. Тыгак Александр Евстифеев кугу Сеҥымашлан 77 ий темме кечылан ямдылалтме да пайремлыме йодышеш шогалын.
Фото: Марий Элым вуйлатышын организаций да аналитик виктемже.