Марий Элыште эн уста туныктышо ден воспитательым ойырымо

            Марий Элыште эн уста туныктышо ден воспитательым ойырымо. Туныктымо мастарлыкын республике кӱкшытан конкурсшо 8-ше гыч 22-шо апрель марте эртен. Нине кечылаште нуно мастарлыкыштым, профессионализмыштым да опытыштым ончыктышаш улыт ыле. Конкурсым иктешлыме торжественный церемоний Марий филармонийыште эртен. «Марий Элын талукысо туныктышыжо»  лӱмым Волжск оласе нылымше кыдалаш школын географийым туныктышыжо Татьяна Жидко налын. «Марий Элын талукысо воспитательже» лӱм Оршанкысе «Родничок» йоча садын воспитательже Наталья Петуховалан логалын. «Марий йылмым эн сайын туныктышо» семын Советский посёлкысо кумшо номеран кыдылаш школ гыч Роза Богомоловам палемдыме. Туныктыш министерствын умлытарымыже почеш, сеҥыше- влак мемнан республикын чапшым Россий кӱкшытыштӧ аралаш тӱҥалыт.
          Фото: туныктыш министерстве, МариМедиа.