Апшакбеляк кундемысе калыкым мо тургыжландара?

             Йошкар-Ола администрацийыште Апшакбеляк ял воктене Шоя Кузнецово ялыште илыше- влакым тургыжландарыше йодыш- влакым каҥашыме погынымаш эртен. Льготан еҥ- влаклан, «Икоян еш», «Российысе ӱдырамаш- влакын Ушемышт» мер органиазцийлан регионысо пӧлкаштын еҥыштлан ойырымо мланде участке- влакын озаштын тӱҥалтышышт почеш тӱшка погынымашым эртарыме. Тушко «Газпром газораспределение Йошкар-Ола» ушемын, ола администрацийын, архитектура да олам чоҥымаш виктемын, Семёновкысо верысе виктемын, «Водоканалын» еҥже- влак миеныт. Погынышо- влаклан догазификаций программым шыҥдарыме ойыртем, могай документым ямдылаш кӱлмӧ нерген умылтарыме. Тул пижын кертме деч лӱдыкшыдымылыкым ыштыме, шке кӱлешлыклан пушеҥгым ямдылыме, трнаспорт, шала коштшо пий- влакым кучымо, корным олмыктымо да тудым сайын кучымо нерген каҥашыме. Тыгак Апшакбеляк ял воктене инженер коммуникацийым ыштыме, пеҥгыде шӱк-куштырам погымо верым ямдылыме радам да аяран полдыран ваштареш мландым обрабатыватлыме йодыш- влакымат ончымо. Икмыняр йодыш дене решенийым лукташлан Апшакбеляк кундемыш миен мероприятийым эртараш кутырен келшыме.
          Йошкар- Ола администрацийын фотожо.