Таче Чернобыль АЭС-ыште туткар лийме кече

            Таче Чернобыль АЭС-ыште 1986-шо ийын аварий лийме кече. Тудын эҥгекшым кораҥдымаште уло эл гыч тӱжем дене еҥ участвоватлен. Марий Элат ӧрдыжеш кодын огыл. Ятыр еҥ шке тазалыкшым лунчыртен. Тушто лийше- влаклан тылзе еда 22 тӱжем теҥге утла оксам тӱлат. Республикысе пенсий фондын пашаеҥже- влакын увертарымышт почеш, техногенный катастрофышто Марий Эл гыч лийше- влакын чотышт кызыт тӱжемат 264 еҥ шотлалтеш. Нунын кокла гыч 419 еҥже пенсийым налеш, молыжо ешартыш окса да социал полыш дене пайдалана. Инвалидность почеш тылзе еда кум тӱжем теҥгем, участник- влаклан кок тӱжем теҥге утлам тӱлат. Аварийыште лийме деч вара инвалидностьым налше военнослужащий- влак кок пенсийым налаш праван улыт: пенсионерлан выплате семын да инвалидность почеш.
        Фото: pixabay.com