Кадет- влак Сеҥымаш Парадыш ушнаш ямдылалтыт

            Росгвардийын кадетше- влак Сеҥымаш Парадыш ушнаш ямдылалтыт. Йошкар-Олаште Росгвардийын кадет класслаштыже тунемше- влак парад расчётын Сеҥымашлан 77 ий теммылан пӧлеклалтше рыҥ ошкыл эртымашыжлан ямдылалташ тӱҥалыныт. Тений Сеҥымаш парадыште Росгвардийын кок профильный классше участвоватла. 14-ше номеран гимназийын да 19-ше номеран школын 50 наре кадетышт ОМОН кундемыште икымше тренировкышто лийыныт. Ямдылалташ тӱҥалме деч ончыч тунеммаште сай шинчымашым ончыктымылан, чатка дисциплинылан да кӱштымӧ пашам ответственно шуктымылан 14-ше гимназийын ныл кадетшылан «вице-младший сержант» специальный званийым пуымо. Тидымат палемдыман: профилян класслаште тунемше- влак «Курымашлык полкышкат» ушнат.
              Фото: Росгвардийын пресс-службыжо.