ЛИН спортышто марий ийше Российын сборныйышкыжо кандидат- влак спискыш пурталтын

          ЛИН спортышто марий ийше Российын сборныйышкыжо кандидат- влак спискыш пурталтын. Йошкар-Олаште Уш-акыл нарушениян еҥ- влак коклаште иймаш дене Российын Чемпионат ден Первенствыже мучашлалтын. Сеҥышыш лекшаш верч Российысе 31 регион  гыч 193 виян спортсмен кучедалын. Таҥасымашым иктешлыме почеш Марий Эл тыгай лектышым ончыктен: шӱдӧ метрыш нылытын иймаште Егор Мухачёв, Данил Белоусов, Евгений Волков, Клим Румянцев икымше верым налыныт, пӧръеҥ- влак коклаште эстафетыште тыгак икымше вер, тиде состав денак пӧръеҥ команде эстафетыште, комплексно иймаште кокымшо вер. Индивидуальный стартыште Клим Румянцев  кок икымше, кок кокымшо, ик кумшо верым налын. Егор Мухачёв кокымшо ден кумшо верыш лектын, Наталья Семёнова кумшо вер дене палемдалтын. Республикын спортсменже- влак уда огыл лектышым ончыктат. Тений Клим Румянцев ден тренерже Василий Полянин Россий сборный командыш кандидат- влак спискыш пурталтыныт.
       Фото: Спорт-туризм министерстве.