«Калык участковый» конкурсышто 13 еҥ таҥаса
Республикыштына «Калык участковый» конкурсышко 13 участковый уполномоченный ушнен. Россий кӱкшытан конкурсын икымше йыжыҥже умбакыже шуйна. Тыге республикысе калык келшыше кандидатлан шке йӱкшым пуэн кертеш. Таҥасыше- влак кум ий деч шагал огыл участковыйлан ыштышаш улыт да дисциплинарный взысканийышт лийшаш огыл. 13 еҥ коклаште кокытшо ӱдырамаш улыт: Медведево да Волжский районла гыч. Икымше йыжыҥыште йӱклымаш 20-шо сентябрьыште 24 шагатыште мучашлалтеш.