Йошкар-Оласе Западный уремым олмыктен шуктымо

«Лӱдыкшыдымӧ да сай качестван автомобиль корно- влак» калыкле проектым шыҥдарыме кышкарыште Йошкар-Оласе Западный уремым олмыктымо деч вара эксплутацийыш налме. Тиде урем корнын кужытшо ик меҥгат 800 метрыш шуйна. Тудо Дружба ден Йыван Кырля урем коклаште верланен да объездной корнылан шотлалтеш. Тушто пеҥгыде асфальтым шарыме, тротуар- влакым олмыктымо, южо вере  бордюрым вашталтыме, корно тӱрым тыгыде кӱ дене пеҥгыдемдыме. Олмыктымо пашан контракт почеш акше 32 миллион теҥгеш шуын. Ушештарена: «Лӱдыкшыдымӧ да сай качестван автомобиль корно- влак» проект дене келшышын 2024-ше ий марте Йошкар-Ола агломерацийыште 85 процент корным норматив марте шуктыман.