Москошто ял озанлык кооператив- влакын Россий кӱкшытан шымше погынышт лийын

Моско оласе «Измайлово» концерт залыште ял озанлык кооператив- влакын Россий кӱкшытан шымше погынышт лийын. Тудын пашаштыже Марий Эл гычат делегат- влак участвоватленыт. Тудын радамыште «Ял озанлык кооперацийын да фермер- влаклан полышым пуышо компетенций рӱдерым» вуйлатыше Раевский, «Золотой Телёнок» СППК вуйлатыше Шалаев да «МариОвощ» кооперативым вуйлатыше Исанайкин лийыныт. Погынышо- влак кудымшо погынын пунчалжым шуктымым, ял озанлык кооперацийым вияҥдыме шотышто регион- влакын опытыштым, закон- влакым, кугыжаныш полышым налме, кооператив- влакын интересыштым да праваштым аралымаште ревизий ушем- влакын рольыштым каҥашеныт. Шымше погынын лектышыже почеш резолюцийым пеҥгыдемдыме.