Йошкар-Олаште вич тӱжем утла ртутян лампым вашталтат

Йошкар-Ола администрацийын ола озанлык виктемже ртуть лампан светильник- влакым светодиодан лампе дене вашталташ электрон аукционым увертарен. Пашан тӱҥалтыш акше 48 миллион утла теҥге. Документ дене келшышын, лампым вашталтыме пашам шушаш ийын 31-ше март марте ыштен шуктыман. Чылаже ртутян вич тӱжемат 58 лампым вашталтыман. Тушечын кок тӱжемат 961-тыже кудывечылаште верланен, кок тӱжемат 97-ытше - уремыште.