Самырык туныктышо- влак кокласе конкурсышто сеҥыше- влакын лӱмышышт рашемын
Туныктымо мастарлыкым ончыктымо республике кӱкшытан «Педагогик дебют» конкурс мучашлалтын. Тушто 34 педагог шке мастарлыкшым ончыктен. Конкурсым Йошкар-Оласе 29-ше номеран школышто иктешлыме. «Самырык туныктышо» номинацийыште Советский районысо Солнечный школышто историй ден обществознанийым туныктышо Александра Трухина сеҥышыш лектын. «Самырык воспитатель» корно дене Звениговысо «Светлячок» йоча садын туныктышо- деффектологшо Анна Архипова сеҥен. Педагог-наставник семын Волжск оласе 5-ше номеран школышто руш йылме ден сылнымутым туныктышо, директрын алмаштышыже Надежда Поляковам эн усталан шотлымо. Сеҥыше- влак ынде республикын чапшым Россий кӱкшытыштӧ аралаш тӱналыт.