Параньгасе ургызо- шамыч Российын хирургшо- влакым чиктат

Параньга посёлкышто хирург- влаклан ик гана чийышаш халатым ургаш тӱналыныт. Ургаш манмыже чын огыл, очыни. Ужаш- влакым ультразвук полшымо дене левыктен ушат. У производствын инвесторжо медицина кӱлешлыклан сатум лукшо Российысе «Здравмедтех» комапний лийын. Тудын предприятийже- влак Москошто, Санкт-Петербургышто, Озаҥыште да ынде Параньгаште пашам ыштат. Молан тыгай тора ял кундемым ойырен налыныт? Кугу олалаште илыше- влак, оксам сайын тӱлат гынат, кече мучко конвейер воктене шинчымышт ок шу, маныт. А Параньгаште келшыше верым да ямде пашаеҥ- влакым мумо. Ондак тушто ургымо цех пашам ыштен. Тымарте республикысе икмыняр эмлыме верыш ик гана кучылтмо медицина сатум кондедыме. Ынде тудым тыштак ыштат. Кызытеш 15 наре еҥ кок линийыште тырша гын, пашаеҥым 60 марте шукташ шонат. Тиде сату кугу йодмаш дене пайдалана. Икымше кечылаште ик суткаште 800 халатым ыштеныт гын, кызыт тӱжемат кокшӱдыш шуэш. Ончыкыжым миллион марте шукташ шонат. Тудо элна мучко колталтеш.